"SON SAN"

Este luns 11 de novembro desfrutamos dos obradoiros "Son San" un espectáculo de monicreques construídos con material de refugallo sobre alimentación e hábitos saudables. A sesión correu a cargo de Raquel Queizás. Que ben o pasamos!

Festa do Medo 2013

Así de ben o pasamos na "Festa do Medo"!!!
Pasamos polo túnel do medo, degustamos aperitivos monstruosos, xogamos, bailamos e sobre todo pasámolo xenial!

FESTA DO MEDO!!!

ESTE ANO, POLO SAMAÍN CELEBRAMOS A "FESTA DO MEDO", VIÑEMOS AO COLE ASÍ DE GUAPOS... (pica nas fotos para poder velas máis grandes)

FELICES VACACIÓNS

Todas as profes do cole desexámosvos que pasedes un moi bó verán e que traiades moitas cousas que contarnos.

E unha despedida moi agarimosa para os que nos deixan e pasan a outra etapa educativa, que vos vaia ben!

CI VUOLE UN FIORE

Animación realizada pola profe Lucía do traballo Ci vuole un fiore (queremos unha flor) feito polos nenos e nenas de 6ºA dirixidos pola súa titora, a profe Áurea.

Mirade que chulo!

VISITAMOS O COLE DE PRIMARIA

Os nenos e nenas de 6º curso fixemos unha visita ao cole de primaria para o que  iremos o curso que vén , o Marcos da Portela. Alí recibíronnos cunha obra de teatro por parte dese grupo de artistas da nosa anpa que, coma sempre, nos sorprenderon con outra obra orixinal de María Costas.

Tamén os nenos/as de primeiro de primaria  adicaronnos unhas cantigas e un rap. Fixéronno moi ben e aplaudímoslles moito.

Deseguido fixemos un percorrido polas instalacións do cole e visitamos a biblioteca, a aula de inglés, a de informática,a de música... pero o que máis nos gustou foi o ximnasio e o patio, no que xogamos un ratiño.

Ao marchar déronnos un pequeniño agasallo.

Vémonos o curso que vén!!

VISITA AO ACUARIO DO GROVE

@S NEN@S DE 6º CURSO FIXERON O 25 DE MAIO UNHA VISITA AO ACUARIO DO GROVE, O PASARON EN GRANDE. 

FIXEMOS ESTE VIDEO PARA QUE LEMBREN O QUE APRENDERON SOBRE OS ANIMAIS MARINOS, E A IMPORTANCIA DE NON TIRAR  LIXO AO MAR

MAXIA NO COLE.

Queremos agradecerlle a Javier Muro a súa visita ao noso cole colaborando de forma desinteresada coa súa maxia, que nos deixou a todos coa boca aberta, e convertiu en magos por uns intres a algúns dos nosos nenos/as. Deixamos aquí unha pequena reseña do que nos fixo.

UN MAGO NO COLE - presentacion imagenes

LISTADO DEFINITIVO DO ALUMNADO ADMITIDO E NON ADMITIDO PARA O VINDEIRO CURSO 2013/2014

Dende o día de hoxe atópase exposto no taboleiro de anuncios da entrada principal do noso cole, o listado definitivo do alumnado admitido e non admitido de cara ao vindeiro curso académico 2013/2014. Recordamos que o prazo para formalizar a matrícula abrangue do día 20 ao 30 de xuño, e que a partires do 10 de xuño xa poderedes recoller o formulario de inscripción na conserxería do centro. Para formalizar a matrícula deberáse aportar: - 4 fotos actuais tamaño carnet - Certificado médico - Fotocopia do libro de vacinas - Fotocopia da tarxeta da seguridade social ou outro seguro.

O DÍA DAS LETRAS GALEGAS

Para conmemorar o Día das Letras Galegas reunímonos no salón de actos do cole para asistir a un recitado de poesía galega, neste caso de Rosalía de Castro, polo alumnado de 6ºA e tamén á representación, por parte dun grupo de nais da ANPA, da obra "Un circo inesperado" creación orixinal de María Costas.

Foi unha sesión moi divertida na que cantamos todos xuntos e ata houbo lanzamento de confetti!!

Agradecemos, coma sempre, a adicación destas nais e o seu traballo.

PUBLICACIÓN DAS LISTAS PROVISIONAIS DE ALUMNADO PARA O CURSO 2013/14

Informamos que dende o día de hoxe, mércores 7 de maio de 2013 están expostas no taboleiro da entrada principal do colexio, as listaxes PROVISIONAIS do alumnado admitido e non admitido. Poderáse formular reclamacións no prazo de  cinco días hábiles contados dende hoxe.

Antes do día 31 de maio sairán as listas DEFINITIVAS que tamén se exporán no taboleiro para a súa consulta, e do 20 ao 30 de xuño faráse a formalización da matrícula.

BENVIDO MAIO!

Chegou o maio a nosa Escola da man dos pais e nais da Anpa.

Como cada ano esto non sería posible sin o seu traballo inestimable e a colaboración de todas as familias que aportan os diferentes elementos que se precisan para a súa elaboración.

Queremos recoñecer a súa habitual disponibilidade.

Debemos tamén agradecer a visita de compañeiros/as e alumnado do Cep Marcos da Portela que viñeron cantarnos unhas coplas ao redor do noso maio.

Benvido Maio!!